Өмнөговь аймгийн жуулчны баазуудын гаргасан албан хүсэлтийг үндэслэн Улаанбаатар хотоос БОАЖЯамны ахлах мэргэжилтэнгээр удирдуулсан баг 2010 оны 8-р сарын 16-20 өдрүүдэд жуулчны баазуудаар явж албан ажлаа гүйцэтгэлээ. Амралтын газар, жуулчны бааз, гэр буудлын стантартын төслийг шинэчлэн боловсруулж, Стандартчилал, Хэмжил зүйн үндэсний зөвлөлөөр батлуулан 2010 оны 7 дугаар сарын 1-ний өдөр мөрдөж эхлэсэн стандартын дагуу жуулчны баазуудад зэрэглэл тогтоосон юм. Манай аймгийн жуулчны баазууд стандарт хэм хэмжээг мөрдлөг болгон, стандартыг хангаж ажиллаж байгаа нь бахархууштай байлаа.
Зэрэглэл тогтоох комиссоор БОАЖЯамны ахлах мэргэжилтэн Ц.Нарантуяа, мэргэжлийн хяналтын газрын аялал жуулчлалын үйлчилгээ, стандартын хяналтын улсын байцаагч Д.Оюунбат, Улаанбаатар хотын Захирагчын ажлын албаны Хүнс худалдаа, үйлчилгээний хэлтсийн ахлах мэргэжилтэн Ж.Хэрлэн гэсэн бүрэлдэхүүнтэй явсан.
.jpg)
БОАЖЯ сайдын 2010 оны 09-р сарын 15 ны А-290 тоот тушаалаар Өмнөговь аймгийн Ханхонгор сумын нутагт байрлалтай Жуулчин говь-1. Ханбогд, Говь мираж, Булган сумын нутагт байршилтай Говь тур, Дрийм говь жуулчны баазууд /2 цэцгийн зэрэглэл/, Даланзадгад сумын төвд байрлалтай Даланзадгад зочид буудал нь /2 од/-ны зэрэглэлд багтан баталгаажин, Өмнөговь аймгийн аялал жуулчлалын бизнесийн таатай орчинг бүрдүүлэх боломж бий болгосон юм. /Байгаль Орчин Аялал Жуулчлалын Газар/
